Hoteis Galegos

Vigo é unha cidade vinculada ao mar. O mar marcou o seu xurdimento, a súa historia e a súa economía. É unha urbe cosmopolita como poucas, de espírito emprendedor, cunha gran vida social, na que xorden a cotío as novas tendencias de renovación cultural e social que se estenden logo ao conxunto galego. É a urbe máis poboada de Galicia cos seus 293.725 habitantes (2005), aínda que a súa extensa área metropolitana fai que diariamente sexa o centro de traballo, estudo, compras e ocio de máis de medio millón de persoas.

Ao entrar en Baiona podemos subir por unha pequena estrada uns 500 metros, ata o "Cruceiro da Trindade", fermoso pola súa talla e por ser un dos poucos que se encontra debaixo dun baldaquino de pedra de forma piramidal. Penetramos en Baiona, á man dereita temos a Fortaleza de Monte Real, onde se encontra o Parador Nacional de Turismo Conde de Gondomar. Hoteles en Vigo

Despois de pasear polo casco antigo, non podemos deixar de visitar a Colexiata de Santa María e a capela de Santa Liberata, situada en fronte. A primeira encóntrase aberta ao público en horario de mañá e tarde, mentres que a segunda só pode ser visitada en horario de culto.
Baiona converteuse nunha das localidades máis importantes da navegación deportiva de toda a Península Ibérica. O seu porto alberga numerosas embarcacións, que lle dan un vistoso aspecto, e serve de base para a regata Príncipe de Asturias, celebrada a finais de Agosto.